Доколку вашиот тест на вирусот SARS-CoV-2 бил позитивен, а вие одеднаш се чувствувате многу подобро, но потоа симптомите повторно се појават, јасно е дека ќе се запрашате дали тоа е нормално.
Она кое досега се знае е дека симптомите на болеста може да слабеат или да се интензивираат во периодот на опоравување.
Некои болести, како настинките, секогаш се развиваат очекувано: прво почнува со течење на нос, па чувство на замор, а за неколку дена лицето се чувствува многу подобро. Но, пациентите со КОВИД-19 пријавуваат дека нивните симптоми се менуваат од ден во ден.
Во моментов се знае дека таквиот развој е нормален, како и дека многумина се опоравуваат по 2-3 недели од појавата на симптоми, дури и ако нивниот интензитет се менува во периодот на опоравување.
Сепак, некои пациенти искусуваат и хронична состојба, па симптомите им биле еднакво тешки во текот на целиот период на опоравување. Некои пријавуваат дека им е потребна дополнителна нега и шест месеци по дијагнозата и “опоравувањето“.
Доколку и вашиот тест на новиот коронавирус е позитивен или верувате дека сте болни, но не сте се тестирале, а симптомите не исчезнуваат и по еден месец, потребно е да разговарате со лекар за да ви помогне што побрзо да се опоравите.
КОИ СЕ СИМПТОМИ НА КОВИД-19, А КОИ НА ГРИП?
Симптомите на болеста КОВИД-19, кои вклучуваат температура и кашлица се слични на некои други болести, а една од нив е секако грипот. Со оглед дека сезоната на грип е се поблизу, како што полесно да разликувате за која болест се работи?
ПО КОЈ РЕДОСЛЕД СЕ ЈАВУВААТ СИМПТОМИТЕ?
Според ова истражување, ова е редоследот на јавување на симптомите на КОВИД-19:
- Температура
- Кашлица и болки во мускулите
- Мачнина и повраќање
- Пролив
“Истражувањата откриваат дека пациентите со грип почесто прво страдаат од кашлица, па дури потоа им се јавува зголемена температура“,појаснува д-р Роберт Глатер.
Во реалноста не е се така едноставно, бидејќи грипот може да се јави со цела лепеза на симптоми, од болки во грбот до кашлица.
Д-р Глатер вели дека резултатите од ова истражување можат да бидат корисни кога е во прашање проценка на пголем број на пациенти кои со симптоми доаѓаат во болница. Студијата покажала дека грипот често ќе се појави со кашлица, додека прв симптом на КОВИД-19 зголемена телесна температура.
