Јануари е дефинитивно месец во кој сите внесуваме повеќе храна отколку што на нашиот организам му е потребно, па затоа, ако се уште не сте преземале мерки, крајно време е за детоксикација. Ако сакате вашиот мозок да работи како што треба, па дури и подобро од тоа, тогаш пробајте ја оваа магична салата, која телото го ослободува од отрови, а мозокот го храни со крв. Како е можно тоа?! Оваа салата содржи спанаќ, лосос, авокадо, боровинки, калинка, ореви, цвекло, ѓумбир, а еве како делува:
Спанаќ
Овој зеленчук е преполн со витамин К, фолати и бета каротен. Оваа комбинација го забавува стареењето на мозокот така што ја храни секоја негова ќелија и на тој начин се зголемува концентрацијата. Ова е еднакво важно за мозокот, како и за снабдување со кислород.
Лосос
Оваа риба е преполна со омега -3 масни киселини кои се единствените здрави масти и помагаат да се обноват сивите клетки. Вкупното нивно благотворно влијание на организмот е хранење на нервниот систем, со што го негуваат и одложуваат прераното стареење.
Авокадо
Полно е со мононезаситени масти кои се мошне добри за циркулацијата и со тоа се овозможува мозокот благовремено да се храни и да работи на највисоко можно ниво. Исто така, спречуваат и нарушување на работата на нервниот систем и го штитат префронталниот кортекс, дел од мозокот одговорен за памтењето.
Боровинки
Овие бобинки содржат флавоноиди, антиоксиданти кои го штитат телото од слободните радикали што можат да го оштетат мозокот. Докажано е дека боровинките позитивно влијаат на процесите на памтење и на функционирањето на мозокот воопшто.
Калинка
Уште еден одличен извор на антиоксиданти со што му овозможува на мозокот да работи на далеку помладо ниво на возраст од она што навистина е. Калинката се користи за подмладување, дури и во козметичките производи затоа што се верува дека ги чисти сите пори во телото. Ако ја набљудуваме на тој начин, тогаш ја помага работата на мозокот на тој начин што го ослободува од несаканите влијанија.
Цвекло
Цвеклото и репката се природен извор на нитрати, кои се важни за спроведување на крвта до мозокот. Кислородот е оној што го одржува вашиот мозок во живот, а неговото поголемо количество помага за подобро функционирање на мозокот.
Ореви
Оревите и сите јаткасти плодови се полни со витамин Б, кој е основна храна за централниот нервен систем и неговиот основен орган, односно мозокот. За се да функционира како што треба, покрај кислород, мозокот мора да добива и основна храна која го прави витален.
Ѓумбир
Сите воспаленија кои се комплицираат и „удираат“ на мозокот главно се врзуваат за возраста. Тоа ќе го спречите ако редовно користите ѓумбир заради неговите антивоспалителни ефекти и чистењето на крвните садови. На тој начин мозокот побрзо и посилно ќе ви работи.
