Слабо помнење, постојан замор и промени во расположението – Можеби ви недостасуваат омега-3 масни киселини?!

Омега киселините се здрави масти кои се клучни за зачувување на здравјето

Омега киселините се здрави масти кои на нашиот организам му носат многу придобивки. Најпозната е есенцијалната омега-3 масна киселина (алфа-линоленска), која го одржува здравјето на кардиоваскуларниот систем и на системот на варење, ја одржува хормоналната рамнотежа, го зајакнува имунолошкиот систем и ги прави косата, кожата и ноктите убави.

Омега киселините придонесуваат и за одржување на нормалното ниво на холестерол и играат клучна улога во функцијата на мозокот, нормалниот раст и развој

Срцевите заболувања се водечка причина за смрт во светот, од нив секоја година во светот умираат околу 17,3 милиони луѓе, а повеќето истражувања потврдуваат дека токму омега-3 масните киселини помагаат да се намали нивото на триглицериди во крвта, делуваат антикоагулантно, против стеснување на крвните садови, високиот притисок и антивоспалително, со што го спречуваат развојот на кардиоваскуларни заболувања.

  • Како да го препознаете недостатокот на омега-3 масни киселини во организмот?

Ако сте забележале дека слабо помните, страдате од постојан замор и промени во расположението, имате проблеми со срцето, сува кожа или слаба циркулација, прекумерна тежина, на вашиот организам најверојатно му недостасуваат омега-3 масни киселини.

Лененото семе е одличен извор на омега-3 масни киселини
  • Извори на омега-3 во исхраната

Омега-3 масните киселини се есенцијални, односно организмот не ги произведува сам, туку ги внесува преку храната, па затоа е важно во исхраната да вклучите храна која ги содржи во големи количини. Најзастапени се во рибата, рибиното масло, лососот, скушата, лененото масло и семе, оревите, бадемите, маслиновото масло (особено екстра девственото), гравот, грашокот, тиквата…