Доволно е да преземете мали чекори и да усвоите не претерано „револуционерни“ нови навики, кои ќе ве направат задоволни и среќни, и докажано, позитивно ќе влијаат врз вашето ментално здравје, тврдат научниците од лондонскиот „University College“.
Добрата вест е тоа што најчесто станува збор за промени кои можат многу лесно да се вклопат во вашиот секојдневен живот, а поради нив ќе се чувствувате многу подобро, сметаат научниците од Лондон.
Тие предлагаат едноставни и лесно применливи чекори кои ќе им помогнат на луѓето да го подобрат своето ментално здравје, пишува „Independent“.
-
Одете исправено
Истражувањата покажаа дека ќе се чувствувате многу подобро ако одите исправено, држејќи ја главата високо, а рамената спрема назад. Ако вашите рамена се спуштени и се држите подгрбавено, поверојатно е дека ќе се фокусирате на негативни работи.
-
Престанете да фотографирате се околу вас
Иако повеќето од нас веруваат дека фотографиите се важни, бидејќи на тој начин полесно ќе запаметиме некои важни моменти, резултатите објавени во списанието „Psychological Science“, велат поинаку. Ако сепак сакате да овековечите некој убав оброк или убав поглед (за Инстаграм, се разбира), концентрирајте се на главниот мотив, обидувајќи се притоа да не правите и селфи.
-
Вежбајте
Краткото вежбање три пати неделно го намалува ризикот од развој на депресија за 19 проценти, велат резултатите од истражувањето. Активните луѓе се помалку подложни на депресија, а депресивните се помалку склони кон вежбање.
Обезбедете си време во текот на денот кога ќе си угодите себеси, правејќи нешто што ве релаксира или развеселува
-
Не одлагајте
Колку подолго чекате да го направите она што сте го наумиле, плашејќи се однапред, ќе бидете уште понервозни, а тоа дополнително ќе ве исцрпи. Намалете го стресот со слушање релаксирачка музика или вежбање, а потоа фатете се за работа.
-
Излезете од токсична врска
Ако сте во врска со некој кој постојано ве критикува, тоа негативно ќе влијае на вашата самодоверба, а за тоа дури и нема да бидете свесни. Во некои случаи може да резултира со анксиозност или депресија. Послушајте ги предупредувањата на блиски пријатели или членови на семејството кои ги забележуваат критиките на вашиот партнер и станете свесни за знаците на злоупотребувачкиот однос.
-
Наспијте се
Ако не сте спиеле, не сте одморени, а тоа значи дека вашето тело не функционира како што треба. Ако имате проблем со несоница, побарајте стручна помош.
-
Одвојте време за себе
Семејство, пријатели, работа… не можете да им удоволите баш на сите, а ако се обидете тоа да го направите, ќе се запоставите себеси. Обезбедете си време во текот на денот кога ќе си угодите себеси, правејќи нешто што ве релаксира или развеселува.
-
Одморете се од мобилни телефони и електронски уреди
Паметните телефони, таблетите, лаптопите претерано ја стимулират работата на мозокот, а и на мозокот му е потребен одмор. Ако континуирано го напрегате со постојана употреба на овие електронски уреди, го уништувате вашето ментално здравје. Направете еднаш неделно мини дигитална детоксикација, дури и на половина ден или само на неколку часа.
-
Престанете да правите повеќе работи во исто време
Испраќањето на електронска пошта додека јадете не изгледа опасно на прв поглед, но научно е докажано дека истовременото вршење на повеќе работи одеднаш делува многу исцрпувачки. Наместо мултитаскинг, фокусирајте се само на едно нешто, па потоа преминете кон наредното.
