Мини очилата за сонце, кои потсетуваат на модата од деведесеттите години, во моментов се „маст хев“, а по нив лудуваат не само познатите, туку буквално сите. Но експертите предупредуваат дека овие очила не се добри за очите.
Објаснувањето е едноставно: помалите рамки значат дека повеќе светлина влегува во вашите очи. Поголемите рамки подобро ќе ги заштитат очите. Освен тоа, многумина ги носат овие очила малку пониско на носот, што ги оддалечува од очите. Значи, микро очилата за сонце ги изложуваат очите на УВ-зрачењето од сонцето. УВА зраците длабоко продираат во очите и го оштетуваат централниот вид, а УВБ – површината на очите.
Лицата со светли очи се под поголем ризик од штетното УВ-зрачење, како и децата и оние кои биле на ласерска интервенција на видот
Краткотрајно оштетување на видот
Ако по носењето на микро очила за сонце забележите дека видот ви е замаглен, очите ви се полни со солзи и се црвени или, пак, имате потреба постојано да ги триете, можно е да имате краткотрајно оштетување на видот.
Офтамолозите секогаш истакнуваат колку е важно да изберете добри очила за сонце, а што се однесува до трендовите, овој би требало да го избегнувате и секогаш да купувате очила со што поголеми рамки кои ќе ги заштитат вашите очи.
Нека заштитата од УВ зрачењето биде што поголема, најдобро 100 проценти, а тоа би требало да го пишува на самите очила за сонце. Ако мислите дека темните очила значат и поголема заштита, се лажете.
