Ориганото претставува класичен, неизбежен зачин за пица и јадења со домати. На јадењета им дава арома, а може да биде и дел од зачинска мешавина. Ориганото може да се користи во фрома на свежи листови, но и како иситнет и мелен зачин.
Студии покажале дека оваа билка има низа антибактериски, фунгицидни, антивирални и антиоксидантни својства, па освен во кујната, ориганото се користи и во медицински цели.
Ориганото е делотворно кај акни, артритис, канцерогени заболувања, воспалителни состојби и мутација на клетките. Ја поттикнува дигестијата и функционирањето на црниот дроб и жолчката, а успешно се применува кај акутно и хронично воспаление на синуси, вирози, грип и настинка, но и хронична главоболка.
Ориганото е еден од најсилните природни антиоксиданти и има за 42 пати повеќе антиоксидантна вредност од јаболката.
Чајот од оригано помага при бронхитис, настинка или воспаление на грлото, како и при болки во цревата. Се подготвува едноставно: една чајна лажичка иситнети листови оригано се прелеваат со шолја врела вода и се остава да отстои 10 минути.
Маслото од оригано е мелем за проблематичната кожа, а за да го подготвите сами ви требаат 200 г цвет и листови од оригано и литар маслиново масло. Иситнетото оригано прелијте го со маслиновото масло и оставете да стои 40 дена на топло. Шишето повремено протресете го, па по периодот од 40 дена, процедете го и со него масирајте ги болните делови.
