Одделни намирници како што е чадената, сушена или ферментирана храна (на пример, постари сирења и месни преработки) содржат сулфиди кои можат да доведат до ширење на крвните садови и ненадејни главоболки. Виното, исто така, може да биде причина за главоболки, особено кај жените. Интересно е дека и мирисите како што се мирисот на кромид, тутун, бензин, како и некои парфеми можат да предизвикаат главоболка.
Ако во текот на денот долго користите компјутер многу е веројатно прилично да ги напрегате очите што доведува до замор и главоболка. Лошиот став за време на работата на компјутер, исто така, може да предизвика болки во рамената, вратот и главата. Честото користење на памети телефони и таблети, исто така, е потенцијален причинител за главоболка, со оглед на тоа дека во такви ситуации ја држиме главата навалена нанапред, а како и при работа на компјутер може да дојде до замор на очите.
И на крајот, цврсто врзаната коса во коњско опавче или пунџа, исто така, може да биде причина за силна главоболка. Доколку тоа е причината за вашата мака, тогаш пуштањето на косата за триесеттина минути би требало да ја отстрани главоболката.
