Иако многумина не ја сфаќаат така, сепак медитацијата е сериозна техника која помага во подобрување на здравјето и внатрешната состојба на телото. Со медитација може да се ослободите од стресот, да заспивате полесно, да го подобрите расположението и да го смените начинот на кој ги гледате работите околу вас. Научниците ги откриле повеќето позитивни придобивки од оваа техника, кои можеби досега не сте ги знаеле. Во продолжение, погледнете го ефектот од медитацијата и зошто треба да почнете уште веднаш:
Ја зачувува младоста на мозокот
По 20 години, мозокот почнува да старее, а научниците дошле до заклучок дека медитацијата е многу корисна за да го забави овој процес.
Го подобрува напредокот на учениците
Во едно истражување, на учениците им биле додадени две паузи од по 15 минути за медитација, а резултатот од нивниот напредок многу се зголемил. По неколку недели медитација, учениците почнале да се однесуваат подобро и да имаат подобри оцени на тестовите.
Помага да се ослободите од лоши навики
Научници од Тексас спровеле експеримент помеѓу луѓе кои сакаат да се откажат од пушење цигари. Учесниците биле поделени во две групи – една за релаксација и друга за медитација. Учесниците во првата група пушеле исто како и претходно, а оние кои медитирале, почнале да пушат 60 проценти помалку уште од вториот час.
Ослободува од болка
Американските научниците докажале дека за време на медитацијата се активираат некои делови од мозокот кои се одговорни за регулирање на болка и дека оваа техника е ефективна за намалување на болката.
Намалува ризик од срцеви заболувања и удар
Група научници ги набљудувале промените во здравјето на луѓето со зголемен ризик за срцево заболување. Учесниците биле поделени во две групи – на едните им било кажано како да се грижат за балансот во исхраната и физичка активност, а другите практикувале медитации, покрај медицинската терапија. Експериментот траел 5 години, а научниците откриле дека членовите на втората група имаат 50 проценти помал ризик за срцеви заболувања и удар од првата група.
Ја подобрува меморијата
Научници од Харвард собрале луѓе кои никогаш не медитирале и им направиле магнетна резонанца, па ги поделиле во две групи, од кои едната ја пратиле на медитација. По 8 недели часови, научниците нашле разлики во волуменот на мозокот помеѓу двете групи, во 5 различни делови на мозокот. Кај оние кои медитирале биле забележани промени во делот кој е одговорен за учење, меморија и емоционална регулација.
