Бројот на лакови, густината, раширеноста и длабочината на резовите – сето ова го формира отисокот од прстот, кој е единствен за секој човек. Научниците откриле дека тие ја одредуваат и општата здравствена состојба, но и ризикот од тешки заболувања.
Отисоците од прстите најчесто се користат за решавање на криминалистички случаи, но сега се покажало дека тие може да помогнат и во откривањето на болести пред појавата на симптомите.
Жените со специфични отисоци од прстите, кои подразбираат помалку јазли и повеќе полукругови, се под зголемен ризик за развој на гинколошки типови на рак, покажало ново истражување. Порано истражувачите сугерирале дека може да постои поврзаност меѓу отисокот од прстите и ризикот од болести како дијабетес, Алцхајмерова болест, леукемија, импотенција, депресија, па дури и болест на непцата.
Отисоците се формираат уште во матката
Научната студија за отисоците од прстите и поврзаноста со болести, покажува дека, ако растот на екстремитетите, органите или другите ткива бил пореметен во многу раниот фетален живот, ќе има и промени во конфигурацијата на прстите и нивните отисоци. Поради тие промени, тврдат научниците, видливи се и трајни знаци на абнормален развој на нервниот систем и други подрачја кои се развиваат во матката. Отисоците од прстите се единствени. Иако еднојајчаните близнаци делат иста ДНК, се уште не е докажано дека постојат две лица кои имаат исти отисоци на прстите.
- Болест на срцето: Мажите со коронарна болест на срцето имаат поголема веројатност да имаат одреден вид на примерок на отисок. Научниците споредиле 250 мажи со и без коронарна болест и откриле дека болните имаат поинакви обрасци на отисоците.
- Рак: Постојат врски меѓу отисоците на прстите и бројните видови на рак, вклучувајќи рак на дојка, на простата, јајчници и грлото на матката. Во најновата студија, истражувачите прегледале отисоци од 300 жени со рак на јајчници и други гинеколошки карциноми и ги споредиле со оние кај здравите жени. Резултатите покажале дека жените со рак имаат помалку јазли на своите отисоци. Имале и поголем број на лакови.
- Дијабетес: Се смета дека гените и влијанието од околината се вклучени во развојот на дијабетес, а истражувачите пронашле значајни разлики во левите и десните прсти кај лицата со дијабетес тип 1 и тип 2. Отисоците од прстите од левата и десната страна не биле исти.
- Астма: На оваа состојба влијаат гените и околината. Бројни студии покажале дека постојат разлики во отисоците на прстите меѓу здравите и луѓето со астма. Болните имаат помалку лакови и значително повеќе јазли.
- Неплодност: Кога истражувачите ги споредиле отисоците од прстите кај неплодните мажи со оние кај здравите мажи, откриле дека тие имаат значително помал број на јазли на врвовите на прсти во споредба со здравите мажи.
