Американските научници откриле дека едно соединение може да ни помогне да го забавиме процесот на стареење така што ќе го забрза нашиот метаболизам, ќе го зголеми нивото на енергија и ќе ја подобри чувствителноста на инсулин. Станува збор за никотинамид мононуклеотид (или скратено: НМН), кој може да се најде во овошјето и зеленчукот, а кој нашето тело природно го произведува.
Истражувањата направени над животни потврдиле дека ова соединение навистина има антиејџ ефект и сега научниците планираат да продолжат со истражувањата над луѓе.
Она што уште било забележано е дека НМН имал ефект само кај постарите животни, но не и кај помладите. Причина за тоа е фактот дека количеството на НМН во организмот се намалува со годините, па така на постарите животни им било навистина потребно и како резултат кај нив е забележано подобрување на метаболизмот и нивоата на енергија.
