Дали сакате да изгледате помладо, да го подобрите квалитетот на вашиот живот и да го продолжите животниот век?
Здравите навики ќе направат многу добри работи за вашиот организам, а заедничкиот резултат на тие навики е вашето тело да остане подолго време витално и полно со енергија.
Применете ги следниве совети – ќе бидете поздрави и посреќни!
Наоружајте се со антиоксиданти
Доказите се неспорни кога станува збор за антиоксидантите кои ги неутрализираат слободните радикали и ефикасно помагаат кај болести и состојби кои го забрзуваат стареењето.
Наоружајте се со антиоксиданти од:
- бобинки,
- зелен лиснат зеленчук,
- мешунки,
- ладно цедени екстра девствени масла,
- сурови семиња,
- јаткасти плодови.
Вежбајте
Умереното до интензивно вежбање значително ослободува од стресот. Истовремено ја одложува можноста за појава на висок крвен притисок, дебелина, срцеви заболувања, остеопороза и фрактура на коските. Иако редовното вежбање во текот на целиот живот е идеална навика, никогаш не е доцна да почнете.
Докажано е дека луѓе во седумдесеттите години можат постепено да ја зголемат силата и издржливоста преку вежбање.
Тренинзите со висок интензитет може да го продолжат животниот век бидејќи го стимулираат производството на хормонот за раст – што е, исто така, една од важните ставки за подолг и поздрав живот.
Практикувајте пост
Петдневен пост може потполно да го обнови имунитетот.
Телото за време на пост ги отфрла старите клетки и го стимулира создавањето на нови, здрави клетки. Би било идеално пет дена да се пости само на вода, но ако не можете, обидете се да пробате пост само со консумирање свежо исцедени овошни сокови, супа од зеленчук и незасладени билни чаеви. На тој начин ќе направите многу за вашиот имунитет, но и за подмладување на вашиот организам.
Практикувајте пост еднаш месечно.
Научните истражувања покажале дека со постот значително се намалува ризикот од развој на дијабетес, рак, развој на срцеви заболувања и акумулирање на масни наслаги.
Избегнувајте шеќер
Со намалување на шеќерот во вашата исхрана, го продолжувате вашиот животен век, го забавувате стареењето и појавата на брчки, ја зголемувате енергијата и го зајакнувате имунитетот.
Фруктозата се смета за особено штетен шеќер кој предизвикува воспалителни и автоимуни процеси и предизвикува создавање на соединенија кои го забрзаат стареењето. Фруктозата, исто така, го поттикнува наталожувањето на сало околу виталните органи, што доведува до дијабетес и срцеви заболувања.
Намалете го стресот
Стресот го скратува животот!
Иако е тешко да се избегне во денешно време, важно е да се најдат механизми за да се справите со него. Долготрајниот стрес штети психички и физички и секако е еден од главните причини за многу болести.
Важно е да научите како да излезете на крај со него, да ги избегнувате стресните ситуации и да ги контролирате вашите чувства. Пронајдете издувен вентил во форма на вежбање, медитација или хоби што ќе ве направи среќни. Научете како да се опуштите и да си ги дозволите работите што ги сакате.
Испробајте природни производи
Понекогаш е тешко да ја збогатите вашата исхрана со антиоксиданти, но затоа постојат квалитетни природни додатоци кои можат тоа да го надополнат. Иако нивниот избор е широк, истражувањата покажаа дека екстрактот од грејпфрут е еден од универзалните суплементи кој е од голема помош. Тој може да го зголеми нивото на антиоксиданти во крвта, а исто така делува и против воспалително. Познато е дека ги заштитува колагенот и еластинот, протеини кои на кожата и обезбедуваат еластичност и цврстина.
Активирајте ги мозочните клетки
За да живеете квалитетен живот, здравјето на вашиот мозок е од исклучително значење. И нему исто така, му е потребна редовна „вежба“, за да не стане бавен или склон кон болести. Истражувањата покажаа дека луѓето кои имаат хоби, исто така, имаат и многу подобра концентрација. Мозокот треба постојано да се изложува на предизвици за да се создадат нови невролошки патишта или синапси.
Затоа, активирајте се дополнително – учете странски јазици, танцувајте, откривајте нови звуци и мириси, или едноставно препуштете се на нови животни предизвици. Луѓето кои го прават ова имаат докажано помал ризик од деменција и смрт на мозочните клетки.
Наспијте се
Недостатокот на сон може да го скрати животниот век
Ако спиете помалку од 6 часа на ден, имате поголем ризик од срцев удар, а вашите когнитивни способности пропаѓаат побрзо. На емоционално ниво, недостатокот на спиење доведува до нервоза и болести поврзани со имунолошкиот систем.
Се препорачуваат 8 часа спиење дневно за зачувување на физичкото здравје, подобро расположение и продолжување на животниот век.
Избегнувајте сол и преработена храна
Премногу сол во исхраната може да го зголеми крвниот притисок што со текот на времето може да ги оштети бубрезите, очите и мозокот. Избегнувајте преработена храна, бидејќи нема хранлива вредност и често содржи многу штетни материи. Направена е од осиромашени намирници. Полна е со адитиви, шеќери, соли и други воспалителни супстанции кои се опасни по здравјето. Делува врз вас така што се чувствувате лошо и безволно и ве прави посклони кон болести и побрзо стареење.
Избегнувајте токсини и загадувачи
Избегнувајте различни токсини, хемикалии и загадувачи. Тука се вклучени вештачки средства за чистење, бои, козметика, производи за лична хигиена, освежувачи на воздух, пестициди, инсектициди и многу други слични вештачки препарати. Листата е навистина долга.
Заменете ги овие опасни хемиски производи со природни алтернативи – природни средства за чистење и природна козметика.
Останете позитивни
Духовноста и медитацијата позитивно влијаат на физичкото здравје и ја намалуваат депресијата
Духовната пракса може да ве исполни со позитивен став кон животот и да го намали стресот. Без разлика дали се работи за медитација, молитва или едноставен чин на простување, позитивниот став е она што ги прави луѓето посреќни и подруштвени.
