Делирум и збунетост може да бидат многу чести појави меѓу тешко заболените од КОВИД-19, покажала најнова студија. Освен тоа, долготрајното опоравување на интензивна нега и на респиратори, го зголемуваат ризикот од овие состојби, алармираат стручњаците. Според нив, лекарите исто така треба да внимаваат и на појава на депресија, анксионзост и посттрауматско стресно пореметување кај опоравените пациенти.
Од друга страна, повеќето пациенти со лесни симптоми не би требало да чувствуваат некои особени потешкотии со менталното здравје, но појавата на одредни психички нарушувања не е исклучена и кај оваа група пациенти со КОВИД-19.
Овие состојби забележани се и кај пацинетите кои боледувале од САРС и МЕРС, а сега и кај оние кои се заразени со новиот коронавирус, односно заболени од КОВИД-19.
Научниците од Велика Британија и од Италија докажале дека околу 60 проценти од тешко заболените страдаат од збунетост и вознемиреност, а исти проблеми кај овој тип на пациенти се евидентирани и во студиите кои се правени во Кина.
Тие предупредуваат дека посттрауматското стресно пореметување (ПТСП) кај некои пациенти може да стане голем проблем, а своето мислење го темелат на фактот дека од тоа пореметување и натаму страдаат 33% од оние лица кои пред две години сериозно заболеле од САРС, а и од МЕРС.
Исто така, се почести се и извештаите дека некои пациенти за време на опоравување ги мачат трауматски сеќавања, проблеми со помнењето, исцрпеност, како и несоница и лошо расположение.
“Нашата анализа на над 3.550 случаи со коронавирус, сугерира дека повеќето лица нема да имаат ментални потешкотии по инфекцијата“, вели коваторот на студијата д-р Џонатан Роџерс од Универзитетскиот колеџ во Лондон.
Но, тој предупредува дека делириумот – кој може да вклучува сè, од халуцинации до несоница – може да ги зафати некои пациенти.
Збунетоста не е ретка меѓу пациентите на интензивната нега, но најзагрозени се повозрасните пациенти кои воедно се и најранливи. Д-р Роџерс објаснува дека колку подолго пацинетот престојувал во болница и имал помалку контакти со семејството, неговата збунетост била се поголема.
Најнова се уште нерецензирана студија од Велика Британија покажала и дека 20 проценти од хоспитализираните пациенти поради КОВИД-19, страдаат од сериозни конфузии.
“Следењето на овие симптоми треба да стане рутина и составен дел од негата која ја пружаме на пациентите“, потенцира д-р Роџерс.
