![kuce](https://panacea.mk/wp-content/uploads/2018/11/kuce-1-696x392.jpg)
Неодамна пишувавме за можноста да се обучат кучиња кои би препознале дали личноста боледува од карцином. Уште едно британско истражување укажало на тоа дека кучињата би можеле да почувствуваат и маларија.
Две кучиња – едното од расата лабрадор и другото мешавина од лабрадор и златен ретривер, биле успешно обучени да препознаат присутво на Plasmodium паразит на облека која во текот на 24 часа ја носеле деца заболени од маларија.
Тие во 90 отсто од случаите успешно ја идентификувале облеката која им припаѓала на децата кои не се инфицирани со маларија, додека стапката на успешност за идентификување на примероците облека на децата заболени од маларија била 70 процентна. Целта на ова истражување било да се најде неинвазивен, брз начин за дијагностицирање маларија што може да се примени кај поголем број лица за да се спречи ширењето на овие болести во деловите од светот каде маларијата инаку не е присутна.