Статистиката покажува дека луѓето најмногу пушат на места каде што се служи алкохол, алкохоличарите пушат многу повеќе од останатите луѓе, а пушачите имаат поголеми шанси да станат алкохоличари. Постојат епидемиолошки, клинички и лабораториски докази кои потврдуваат дека постои бихејвиорална врска меѓу цигарите и алкохолот. Комбинираната употреба на алкохол и цигари претставува голем ризик по здравјето. Познавањето на фармацевтската врска меѓу алкохолот и никотинот може да придонесе за развој на ефективната стратегија за борба против нив.
80 до 90 отсто од алкохоличарите се и пушачи, додека употребата на алкохолот е многу поголема кај оние кои се пушачи. Пиењето алкохол може да ги забави реакциите и до неколку пати и има негативно влијание на видот.
И алкохолот и никотинот го зголемуваат нивото на допамин во мозокот, па една од теориите e дека нивната комбинација го зголемува чувството на задоволство повеќе од употребата на само еден од нив. Истражувачите тврдат дека етанолот ја зголемува активноста на рецепторите во мозокот кои одговарат на никотинот, додека други велат дека постои одложена реакција на таканаречените рецептори на мигот во присуство на етанол. Дури и мало количество алкохол е доволно да го зголеми уживањето во никотин кај консументите. Заради тоа голем број луѓе кои престанале да пушат паѓаат во искушение да запалат цигара кога ќе испијат алкохолен пијалак. Алкохолот ги зголемува наместо да ги намалува ефектите на никотинот, заради што ја зголемува неговата комбинирана потреба.
И едниот и другиот вид пороци создаваат голема зависност и сериозни последици по здравјето. Ефектите од комбинираната употреба можат да влијаат на должината на животниот век, проблеми во односите со луѓето и дишењето. Тутунот е благ стимуланс, додека алкохолот е депресив.
Тутунот е билка која содржи никотин – супстанца која кај употребата на цигарите предизвикува зависност. Цигарите содржат многу повеќе од обичен тутун. Во нив се кријат и конзерванси, арсеник, јаглен моноксид, амонијак, хидроген цијанид. Кога пушите цигара никотинот ги стеснува крвните садови во телото и прави притисокот да биде многу повисок. Никотинот ги забрзува отчукувањата на срцето и го стимулира нервниот систем.
Алкохолот е депресив, што значи ја забавува работата на мозокот и телото. Тоа се случува затоа што ја зголемува активноста меѓу невроните кои ги контролираат телесните функции. Дури и мало количество алкохол може да предизвика вртоглавица и поспаност.
Пушењето и опивањето во исто време го зголемува ризикот од рак на грлото и езофагален рак. До тоа доаѓа затоа што алкохолот ги разложува хемикалиите од алкохолот додека тој поминува низ грлото. Така канцерогените клетки се задржуваат овде во чувствителното ткиво на грлото. Телото отежнато од себе ги исфрла и едниот и другиот вид дрога. Така, канцреогените клетки од цигарите доспеваат во крвотокот. Колку подолго се изложувате на канцерогени клетки толку се поголеми шансите да добиете рак.
Доколку чувствувате дека сте навлечени на цигари или алкохол побарајте помош од стручњак.
