Недостатокот на јод во организмот може да предизвика сериозни проблеми. Ова се три главни симптоми на недостаток на овој важен хемиски елемент во организмот.
Јодот е важен и за работата на имунолошкиот систем, како и во бременоста. Некои истражувања покажале дека во бременоста доволната количина на јод е важна за нормален коефициент на интелегенција на детето.
Зголемувањето на штитната жлезда или гушавост е меѓу најчестите симптоми на недостаток на јод, а се препишува на малото количество на јод во исхраната. Недостатокот на јод со текот на времето може да доведе до хипотиреоза (намалено лачење на хормонот на штитната жлезда), но и до хипертиреоза (зголемена активност на штитната жлезда).
ОСТАНАТИ СИМПТОМИ
Отекување на вратот: Отоците на предниот дел на вратот се вообичаен симптом на намалено количество на јод.
Зголемена телесна тежина: Ниското ниво на јод го успорува метаболизмот и го поттикнува телото храната да ја претвора во масно ткиво, наместо да ја троши за енергија Тоа може да доведе до непланирано дебелеење.
Опаѓање на косата: Хормоните помагаат косата да расте, а недостатокот на јод може да ја успори регенрацијата на фоликулите.
Сува кожа: Јодот, исто така, учествува во регенерација на клетките на кожата, па неговиот недостаток може да доведе до појава на проблеми со кожата.
Студ: Јодот ја регулира телесната температура, па недостатокот на овој елемент може да доведе до појава на чувство на студ.
Аритмија и замор: Ниското ниво на јод може да го успори отчукувањето на срцето, поради што може да се чувствува замор, вртоглавица или да се доживее несвестица.
Намирници богати со јод
Природен извор на јод се морската риба и морските плодови, како и морските алги, јајцата, млекото и млечните производи. Јод има и во зелениот лиснат зеленчук, компирот и во интегралните житарки.
