Доколку безуспешно се обидувате веќе извесно време да ги намалите вишокот килограми, можеби проблемот за тоа се хормоните. Кои од нив особено влијаат на тежината и предизвикуваат дебелеење кај жените?
Прво што треба да направите е да го проверите нивото на хормоните во организмот.
Жените се многу чувствителни на хормоналниот дисбаланс, желбата за храна и бавниот метаболизам во сите фази од нивниот живот. Трите работи се појавуваат од предменструален синдром, бременост, менопауза и секојдневен стрес.
Истражувањата покажуваат дека апетитот, губењето на тежината, метаболизмот и женските хорммони се неразделно поврзани. Проучувањата на механизмите на хормоните кај жените може да помогнат за поефикасна контрола на тежината во комбинација со личен режим на исхрана и рутински повторувања.
За жал, жените се поранливи во однос на хормоналната нерамнотежа отколку мажите. Хормоните влијаат врз жените во сите возрасти, како и на нивниот биолошки циклус и секојдневниот живот.
Хормоналниот дисбаланс кај жените и последичното дебелеење може да се дијагностицира и да се лекува.
Лекувањето може да вклучува промени во начинот на исхрана, пиење на лекови или синтетични хормони.
Бидете свесни за промените што се јавуваат во вашето тело и консултирајте се со лекар ако имате сомение дека хормоните не ви се во нормалните нивоа.
Хормони на штитната жлезда
Намалената функција на тироидната жлезда, позната како хипотироидизам, влијае на многу жени. Таа е одговорна за зголемување на тежината. Најчестите симптоми се замор, нетолеранција на студ, дебелеење, сува кожа и запек. Вишокот килограми се резултат на бавното темпо на метаболизмот.
Естроген
Естрогенот е женски полов хормон. За време на менопаузата, нивото на естроген се намалува, што доведува до зголемување на телесната тежина, особено во абдоменот. Масните клетки складираат и произведуваат естроген, кои, пак, ги конвертираат калориите во масти. Ова, од една страна, може да доведе до дебелеење.
Прогестерон
За време на менопаузата, нивото на прогестерон во организмот, исто така, се намалува. Високото ниво на овој хормон во телото помага да се одржи избалансирана тежина, така што жените имаат поголем ризик од здебелување по почетокот на менопаузата. Тогаш многу жени почнуваат да задржуваат повеќе вода во нивните тела и се жалат на подуен стомак.
Тестостерон
Некои жени страдаат од хормонално нарушување наречено синдром на полицистични јајчници. Ова го зголемува нивото на тестостерон, што резултира со зголемување на телесната тежина, менструални нарушувања, појава на влакна на лицето, акни и неплодност. Тестостеронот, исто така, е одговорен за мускулната маса кај жените. Поради намалувањето на нивото на тестостерон за време на менопаузата, метаболизмот се забавува. Ова за возврат е предуслов за зголемување на телесната тежина.
Инсулин
Хормонот инсулин се произведува од бета клетките на панкреасот. Тој е одговорен за регулирање на мастите и јаглехидратите во телото. Инсулинот, исто така, му овозможува на телото да ја користи глукоза, а високото ниво во крвта придонесува за зголемување на телесната тежина. Овој хормон може, исто така, да предизвика синдорм на полицистични јајчници.
Кортизол – хормон на стресот
Здебелувањето, исто така, може да се должи на друг хормон – кортизолот. Високото ниво на хормонот на стресот доведува до зголемување на апетитот и последователно до зголемување на телесната тежина. Стресот и недостатокот на сон се две главни причини за високото ниво на кортизол во телото.
