Високиот крвен притисок или хипертензијата се нарекува и “тивок убиец“, бидејќи често нема никакви симптоми, а лицето најчесто дознава дека го има кога ќе го измери, или во најлош случај кога ќе доведе до оштетување на некои важни органи.
Симптомите како што се крварење од нос, вртоглавица, црвенило на лицето, како и главоболка и замор може да се јават кај лица со зголемен крвен притисок, но подеднакво се јавуваат и кај лица со “нормален“ крвен притисок.
Еден од митовите поврзан со високиот притисок е секако оној дека високиот притисок се поврзува со нервоза, потење, потешкотии со спиењето…
Вистина е дека високиот притисок не е поврзан со тегоби, па затоа и се нарекува тивок убиец. Препораката на стручњаците е да не се обидувате сами да поставите дијагноза, туку тоа да го препуштите на стручно лице.
КОИ СЕ ОПТИМАЛНИ ВРЕДНОСТИ НА КРВНИОТ ПРИТИСОК?
- Состојбата на притисокот е оптимална ако систолниот притисок е помал од 12, а дијастолниот понизок од 80 mmHg.
- Притисокот е нормален ако систолниот притисок е понизок од 130, а дијастолниот помал од 85 mmHg.
- Состојбата на притисокот е гранична ако систолниот изнесува помеѓу 130 и 139 mmHg, а дијастолниот притисок помеѓу 85 и 95 mmHg. Во тој случај, повторно треба да се исконтролира за една година.
- Прв степен на хипертензија подразбира систолен притисок помеѓу 140 и 159 mmHg, а дијастолен притисок помеѓу 90 и 99 mmHg. Се препорачува контрола за два месеца.
- Втор степен на хипертнезија подразбира систолен притисок помеѓу 160 и 179 mmHg, а дијастолен помеѓу 100 и 109 mmHg. Во тој случај, контрола на притисокот кај лекар треба да се направи за еден месец.
- Третиот степен на хипертензија подразбира систолен притисок од 180 mmHg па нагоре, а дијастолен од 110 mmHg па нагоре. Се препорачува лекарска помош за една седмица.
