Најчест симптом за срцев удар е болката во градите, и тоа важи и за мажите и за жените. Оваа болка трае подолго од неколку минути, но може и да престане и повторно да се јави. Меѓутоа, она што треба да го знаете, а се смета за ран сигнал за инфаркт е дека може да се јави и болка во вратот и тоа е далеку почест случај кај жените отколку кај мажите.
Жените посебно треба да посветат внимание ако почувствуваат невообичаена болка во грбот или вилицата, а загрижувачки симптом може да биде и општата состојба на непријатност. Значи, не е неопходно болката потполно да ве совлада, напротив, знаците можат да бидат мошне умерени. Меѓутоа тоа не значи дека треба да се колебате и да се „стегате“ да побарате лекарска помош.
Симптоми на срцев удар се и општото чувство на вознемиреност, но и неможноста длабоко да се вдиши – ако ви недостасува здив и почувствувате болка во градите, а притоа имате и нагон за повраќање, веднаш повикајте брза помош. Додека не дојде помошта треба да одморате и да одбегнувате понатамошно напрегање. Најдобра превенција е здравиот животен стил, а правете редовна контрола и на притисокот.
