Болката во градите е сериозна состојба која најчесто упатува на проблеми во кардиоваскуларниот систем, но може да значи и многу поширока лепеза на проблеми. Болка во градниот кош може да значи:
- Кардиоваскуларни проблеми: коронарна артериска болест, миокардитис и инфаркт на миокардот
- Белодробни компликации: плевитис, запаление на белите дробови и белодробна емболија
- Гастроинтестинални проблеми: гастроезофагеална рефлуксна болест, пореметувања на езофагусната контракција и пептичен улкус
- Мускулно-коскени проблеми: напрегање на мускулите
- Психолошки проблеми: анксиозност и панични напади
Врзани симптоми
Болката во градите се јавува заедно со други пратечки симптоми. Според Mayo clinic, во нив спаѓаат краток здив, ладна пот, вртоглавица или замор, мачнина и повраќање. Пациентите болките во градите ги опишуваат како стегање со силна, жаречка болка која може да се шири и во вратот, рамената, брадата, рацете и грбот. Болката трае неколку минути и се зголемува и при најмало мрдање.
Како да се помогне
Чувството на болка во градите за време на срцев удар е многу силно и обично трае пет или повеќе минути. Најважна прва помош за секој што доживува срцев удар е што побрзо да се повика лекарска екипа, бидејќи секоја минута е важна. Лицата кои спаѓаат во ризичните групи за кардиоваскуларни болести треба секогаш да се подготвени и да имаат можност за брзо бирање на бројот на Прва помош на мобилните телефони
