Гребење во грлото е состојба која се истакнува како еден од препознатливите симптоми на омикрон варијантата на коронавирусот. Според лекарските извештаи од Англија, огромен процент на пациентите со КОВИД-19 пријавуваат гребење во грлото.
Треба да се напомене дека ‘гребење во грлото’ какво што препознаваат пациентите во случаевите на инфекции со омикрон, не е исто што и воспаление на грлото, кое се јавуваше кај претходните соеви.
Студијата ZOE COVID, која анализирала илјадници случаи на зараза и детално информираше за симптомите на КОВИД-19, открила дека болката во грло се издвоила како еден од главните симптоми во време кога почна да кружи омикрон варијантата.
Ново истражување сугерира дека омикрон предизвикува полесни симптоми, особено во споредба со претходните варијанти на вирусот.
Д-р Анџелик Коци, претседател на Јужноафриканското здружение на лекари, по откривање на омикрон, изјави дека пациентите имаат ‘необични симптоми’, меѓу кои го истакна токму споменатото гребење во грлото.
Преостантатите три најчести симптоми на омикрон се течење на носот, затнат нос или болка во грлото.
Значи, ако забележите дека ве боли грлото, иако таа болка повеќе е како гребење или пецкање, и во нормални околности би ја занемариле, секако треба да се тестирате, бидејќи можеби сте позитивни.
