Промената е збор кој ретко кој го сака – обично се прилагодуваме на својата рутина и се чувствуваме, ако ништо друго, безбедно… без разлика на тоа дали тоа е добро или не за нас. Но, кога во некој момент ќе сфатиме дека сме влегле во слепа улица, се случува паника и промената станува нижна, но тука следи нова грешка – сакаме драстични промени.
Сепак, многу помудро е да се почне животот да се менува со нешто навидум неважно. Овие пет мали промени може да бидат одличен чекор за многу поголеми работи во животот. Но, немојте да почнете со сите пет одеднаш.
Изедете парче овошје повеќе – наместо да се ограничувате со хранта, зголемето го внесот на овошје и зеленчук. Ставете на видно место банана или јаболко и кога ќе почувствувате глад, прво изедете го овошјето. Со тек на времето ќе почнете да чувствувате потреба за овошје, а помала потреба за нездрава храна.
Намалете го пушењето за една цигара дневно – повеѓето пушачи се обиделе да престанат да пушат барем еднаш во животот,а неретко и повеќе пати. Лекарите препорачуваат да се одвикнувате постапно и полека. Треба да се почне со една цигара, а кога таа повеќе нема да ви недостасува, откажете се од две, па од три и така додека не престанете да пушите.
Намалете за еден пијалок неделно – “За жените премнопгу алкохол е три на ден или секој ден по еден, а за мажите 14 пијалаци на недела“, објаснуваат од Центарот за одвикнување од алкохол во САД и советуваат без разлика колку сте пиеле, ако сакате да усвоите здрава навика, намалете за еден пијалок неделно.
Спијте 30 минути подолго – треба да спиете најмалку седум, а најмногу девет часа на ноќ. Ако спиете помалку од седум часа, обидете се да одите во крвет пола час порано. Иако не изгледа многу, половина час повеќе сон прави голема разлика. По едена недела ќе се чувствувате многу подобро.
Вежбајте 20 минути дневно – заборавете на тоа што ве учеле, не мора да се тренирате како што ви кажале и да исполнувате нечии норми, туку слушајте се себе.
