Постои една последица од седењето за која до сега не се зборувало, станува збор за синдром на мртов задник. Верувале или не, задникот буквално заспива кога премногу се седи и тогаш доаѓа до овој синдром или глутеална амнезија. Можеби звучи смешно, но всушност не е, бидејќи задникот поради премногу седење се воспалува и заборава да функционира нормално.
„Повеќечасовното седење го ограничува протокот на крв, доведувајќи до глутеална амнезија, што може да предизвика болки во колковите, долниот дел на грбот и проблеми со зглобовите. Се случуа глутеусот да не работи нормално, дури и кога правите вежби конкретно за тој мускул“, вели фитнес тренерот Донован Грин.
Физикалниот терапевт Кели Старет додава дека задникот не е направен да може да поднесе товар на подолг временски период. Повеќечасовното седење исто така ја намалува способноста на телото да ги користи мускулите – глутеуси кога навистина му се потребни.
„Притисокот на колковите и ткивата доведуваат до намалена функција на глутеусот, односно до синдорм на мртов задник, кај оние кои седат премногу„ додава таа.
Кога кај луѓето ќе дојде до синдромот на мртов задник, тие чувствуваат како тој дел од телото да им заспал.
„Тоа доведува до паретезија, абнормална сензација која се случува во телото поради притисок и иритација на нервите„, вели д-р Марк Бенден и додава дека симптомите за паретезија може да варираат од благи до силни и долготрајни.
Како да знаете дали имате глутеална амнезија
Примарна причина за оваа состојба е неактивноста, така што со неколку часа непрекинато седење секој ден, дефинитивно се зголемува ризикот.
„Долгото седење има влијание на тоа колку ефикасно може да стиснеме и користиме глутеус, тоа е докажано е со бројни студии„, истакнува Грин и додава дека глутеусот „заспива„ поради неактивност, а оптеретувањето се префрла на други мускули и зглобови кои се многу послаби.
Погрешните вежби или погрешното изведување на вежби може да допринесат за оваа состојба. Кога вежбите не успеваат да го покренат глутеусот, помалите мускули кои ја презеле неговата функција уште повеќе се засилуваат и со тоа глутеусот се уште не е активен.
Како да го победите синдромот мртов задник
Фитнес тренерот Џеф Бел вели дека глутеусот направен така што секојдневно треба да се храни со чучњеви, трчање, одење, за да биде во форма.
Најдобар начин да ја спречите оваа појава е да бидете здрави и активни. Ако поради работата мора подолго да седите, Бел предлага да правите паузи, да станете, да се истегнете или прошетате, за мускулите да имаат мала активност. Добро е да се запомни дека на секој час седење, потребно е 10 минути стоење или шетање, за мускулите да не заспијат.
