Жените во просек влегуваат во менопауза на возраст од околу 51. година. Меѓутоа, тој просек ги опфаќа и оние жени кои во неа ќе влезат нешто порано и оние кои со неа ќе се сретнат нешто подоцна. Ако ве загрижуваат некои промени на телото, можеби со право се сомневате на ран почеток на менопауза.
Ова се само некои типични симптоми кои упатуваат на ран почеток на менопауза. Ако ве загрижуваат, најдобро е да поразговарате со гинеколог.
Неправилност во доаѓањето на месечниот циклус
Неправилниот циклус ги следи некои жени цел живот, но тоа, кај жени кај кои го немале тој проблем, често е показател дека нешто не е во ред или се менува. Типично за почеток на менопауза е скратување на циклусот, односно менструацијата почнува да доаѓа прерано и тогаш изненадно повеќе не доаѓа. Ако ви се чини дека циклусот ви е пократок, следете што се случува и посоветувајте со својот гинеколог како би исклучиле останати причинители на таквите промени.
Бранови топлина
Брановите на жештина е можеби најпознатиот симптом на менопаузата. Некои жени вакви бранови имаат еднаш дневно, а некои многу почесто. Тие се јавуваат во текот на денот и предизвикуваат облевање во пот, а се јавуваат и навечер и го попречуваат сонот.
Вагинална сувост
Женскиот хормон естроген е одговорен, меѓу другото и за здрава вагинална флора и влажност. Еднаш кога нивото на тој хормон ќе падне, може да се појави проблем со вагинална сувост.
Промени на расположението
Уште еден знак за почеток на менопаузата е нестабилно расположение. Тоа може да биде многу различно од ден во ден, но понекогаш и значајно варира во текот на денот.
