Исхраната при работа во смени треба да биде посебно прилагодена, бидејќи се покажало, дека лицата кои работат во навечер, често посегнуваат по „погрешни намирници„, што може да претставува ризик за дебелеење или разни хронични болести.
Главно правило е да се јадат повеќе помали лесни оброци за време на ноќниот ‘буден“ период. Значи, на секои три часа земајте помал оброк – лесен сендвич, сезонско овошје, јаткасти плодови, испијте смути или сок, или направете си салата како главен оброк со месо, риба или сирење.
Пред спиење земете оброк кој содржи малку повеќе јаглехидрати, на пример, банана, или смути со банана, или тестенини, ако сте во можност.
Секако избегнувајте брза храна, похувана, пржена, бидејќи работата во смени сама по себе е шок за организмот, па обидете се што помалку да го оптоварувате и наградете го со природни намирници, кои ќе му помогнат.
