Од вкупно 10,8 милиони смртни исходи при воспаленија на белите дробови, 1,7 милиони би се случиле само во две земји Нигерија и Индија. Во Пакистан од оваа болест може да умрат околу 700.000 деца,а во Конго околу 63.000.
Според податоците на Светската здравствена организација, воспалението на белите дробови е прв инфективен причинител за морталитет меѓу децата и предизвикува 15% од вкупниот број на смртни случаи меѓу децата помлади од 5 години.
Пневмониите најчесто се предизвикани од инфекции причинети од бактерии, но и од вируси, додека габичната пневмонија се јавува многу поретко. Мешани инфекции од бактерии и од вируси може да се јават и до 45% од вкупните инфекции кај децата и 15% од инфекциите кај возрасните.
Бактериите се најчестата причина за пневмонија, а видот Streptococcus pneumoniae се изолира кај 50% од случаевите. Бактериите до белите дробови стигнуваат преку вдишување од грлото или носот, а може да се прошират и со крв. СЗО проценува дека во 2015 година во светотот од оваа болест починале 922.000 деца помлади од 5 години.
„Превенцијата е можна со вакцинација, соодветен начин на исхрана и со подобрување на разните надворешни фактори. На глобално ниво би можело да се спасат 4,1 милион деца кога би се превземале неколку едноставни мерки: поголема имунизација на глобално ниво, пристап до антибиотици и подобрување на исхраната кај загрозените деца„, истакнуваат експертите на СЗО.
