Производите кои некогаш се сметаа за здрави и, пред се, хранливи, денеска за многумина се „забранети“. Нутриционистите овие производи ги сместуваат во категоријата опасни, па дури и канцерогени. Еве кои се намирниците што на времето ги обожававме, а сега ги одбегнуваме.
Млеко
Порано, млекото беше задолжителен пијалак во училиштата, градинките, па дури и во болниците. Денес, не е баш така. Поборниците за здрава храна го класифицираат млекото како безвредно. Дури постои и радикално мислење дека млекото придонесува за појава на канцер. Ова доведе до производството на млеко на база на соја и други растителни состојки.
Сончогледово масло
Денес ретко кој користи сончогледово масло. Раширено е мислењето дека само маслиновото масло е здраво, но тоа е покалорично, содржи три пати помалку витамин Е и помалку заситени масти.
Леб
Лебот се смета за нездрава храна, а секогаш кога се почнува некоја диета првиот совет е дека тој мора да се исфрли од менито. Вистина е дека белиот леб со квасец не е здрав, но лебот од цело зрно не може да биде и не е отров.
Палачинки
Првата асоцијација за детството се палачинките. Но сега тие се сметаат за штетни. Нивниот состав е 100% природен: јајца, брашно и млеко, но во денешниот безглутенски свет, тие се нездрави и не треба да се консумираат.
