Добрата стара ракија на нашите простори се смета за национален пијалок, а приказните за нејзината лековитост се пренесуваат од колено на колено. Со оглед на високиот процент на алкохол во ракијата, со нејзина консумација, сепак треба да бидеме внимателни, но мала и правовремена количина на ракија брзо ќе залечи одредени здравствени проблеми.
Ова се пет тегоби кои се подобруваат со добро проверената ракија.
Болка во желудникот – Сте изеле тежок и масен оброк кој ви предизвикал болка во желудникот? Една мала чашка ракија веднаш ќе ја смири.
Забоболка – Голтка ракија држете десетина секунди на болниот заб, па плукнете ја. Повторете го ова два-три пати, со мало временско растојание, за ракијата да не ви ги надразни непцата.
Болки во грлото – Ако имате воспаление на грлото предизвикано од бактериска инфекција, со ракија и со неколку капки прополис успешно ќе го дезинфицирате грлото. Исто така ќе ви помогне со чај од билки со додадена лажица ракија.
Отоци – Ракијата докажано ја лади кожата, па затоа добро делува и на отоците. Со ракија може да се измасира отеченото подрачје или да се стават на гео облоги од ракија. Имајте на ум дека ракијата веќе после неколку минути може да ја надразни кожата, па затоа облогите држете ги кратко на отеченото место.
Уролошки проблеми – ракијата со магдонос е прекрасен сојузник во борбата против бактериски инфекции на уринарниот тракт.
