Од срцев удар во Македонија годишно умираат над 25 илјади лица. Иако тоа е исклучително голема бројка, добрата вест е дека таа може да се намали. Доколку на време се препознаат знаците на срцев удар, може да се реагира на време и себе или некому друг да спасите живот.
Многу луѓе веруваат дека главниот симптом кај срцевиот удар е кога лицето се држи за срце поради болки во градниот кош. Но, тоа всушност не е точно. Повеќе од 25 % од срцевите напади се јавуваат тивко, без јасен симптом или знак, а пред тој воопшто да се случи, телото дава знак за потенцијален срцев удар.
Ова се четири знаци кои се сметаат за аларм за срцев удар
Отекување – повеќето луѓе мислат дека отекувањето на зглобовите и на стaпалата е предизвикано главно од подолго седење или стоење. Но, мора да бидете свесни дека затајувањето на срцето може да доведе до акумулирање на течности во телото, што резултира со отоци на ножнте зглобови, стапалата, нозете, па дури и на стомакот. Со насобирање на течности во краток период лицето може да добие на тежина, а да го изгуби апетитот. Во тој случај задолжително обратете се на лекар.
Анксиозност – пациентите кои преживеале срцев удар тврдат дека имале анксиозен напад непосредно пред ударот. Тука понекогаш се јавува проблем, бидејќи луѓето кои патат од анксиозност кога добиваат анксиозен напад често сметаат дека имаат срцев удар. Но подобро е во ваква ситуација секогаш да се консултира лекар.
Болка во останатите делови на телото – пред срцев удар, лесна болка може да почне да се јавува во градите и се шири до черепот, рамената, рацете, грбот и стомакот. Во некои случаи луѓето воопшто и не чувствуваат болка во градите, туку само болка во останатите делови од телото, поради што не се сомневаат за срцев удар. Доколку почувствувате болка во едната или во двете раце или меѓу лопатките, немојте да ризикувате, одете на лекар.
Кашлица – уште еден од симптомите е искашлување на крвава слуз или нагло кашлање проследено со затегање во грлото и во градите. Тоа може да укажува на затајување на срцето и акумулирањето на течности во белите дробови. Затоа, обрнете особено внимание на овој симптом.
Уште некои од можните симптоми се:
- Мачнина;
- Вртоглавица;
- Притисок во градите;
- Немање на воздух;
- Ладна пот.
Доколку наведените симптоми траат подолго од пет минути, задолжително побарајте помош
