Кога сме под стрес, телото е ангажирано со излачување на големи количини на хормони како што се кортизол и адреналин, кои го зголемуваат крвниот притисок и ја насочуваат енергијата во мускулите.
Но, поради таа зголемена активност на телото му се потребни повеќе хранливи состојки, особено витално важните витамини Б и Ц.
Залихите на овие два витамина многу брзо се празнат под влијание на стресот, па затоа треба да се води сметка да се внесуваат во организмот во што поголеми количини.
Б витамини
…ја ослободуваат енергијата од храната, помагаат на нервниот систем да функционира и да ги одржува здрави мозочните клетки. Б витамините присутни се во многу намирници, па со здрава и добро балансирана исхрана лесно може залихите да се одржуваат пополнети. Затоа, во дневното мени редовно треба да биде присутно немасно црвено месо, месо од живина, риба, јајца, мешунки, лешници, семки, житарки, интегрален ориз, млечни производи со низок процент на масти, зелен зеленчук, како и екстракт од квасец.
Витамин Ц
… е потребен за јакнење за природно одбранбениот механизам на организмот. Доволна колични може да се обезбедат со консумирање на агруми, киви, папаја, домати, пиперки и зелен лиснат зеленчук. За жал, овој витамин многу лесно се уништува со термичка обработка, затоа продуктите кои го содржат настојувајте да ги јадете свежи, или само варени на пареа.
