Пасивно агресивните лица не се способни отворено и во лице да ви кажат дека не го делат вашето мислење или дека не сакаат да го прават она што го барате од нив. Љубезно ќе се насмевнат, делуваат како да ќе ја исполнат својата задача, а всушност нема ни со прст да мрднат, бидејќи тоа не е во нивен интерес.
Пасивната агресивност е одбранбен механизам кој води до посредно откривање на агресија кон другите луѓе низ пасивност или неделување, саботажа и свртување на агресијата кон самите себе, што е прикриено изразување на изворната агресија.
Основен начин на кој ваквите луѓе функционираат вклучува создавање на позитивна средина околу одредениот проблем (може да се потпрете на мене, јас утре ќе го завршам тоа), а кога е време за резултати, тие ги саботираат (не ја извршуваат задачата).
Кога блиските лица ќе препознаат пасивна агресија, најчесто се збунети, разочарани и лути.
Пасивно агресивните луѓе ја поттиснуваат својата лутина и колку и да ги прашувате што не е во ред, нема да ви се отворат. Таквите лица веројатно не се ни свесни за својот проблем, бидејќи не размислуваат за себе, туку за вашите негативни карактеристики (негативни, барем во нивната глава).
Дали сте и вие пасивно агресивни?
- Криете аверзија кон некого и не можете да бидете искрени со него
- Се согласувате на нешто, но не го правите, бидејќи сте против тоа
- Се однесувате спротивно од она што другите од вас го очекуваат
- Тивко манипулирате со другите за да го добиете она што го саккате, а вусшност сте изнеле спротивно мислење
- Барате освета па се однесувате „добро„, а никогаш не ги исполнувате ветувањата
- Велите едно, а правите друго
- Мрзите некого, но се плашите нему или пред другите да ги покажете своите негативни чувства
- Се чувствувате присилен да се однесувате на одреден начин
- Избегнувате кавги по секоја цена
- Лути сте, но се плашите да покажете бес, па тивко ковате освета, така што работите спротивно од очекуваното или реченото
Како да му помогнете на пасивно агресивно лице?
Кога сакате на пасивно агресивното лице да му укажете колку неговите постапки се нелогични, наведете многу примери за да му ги предочите неговите постапки.
Ако тоа лице е подготвено да признае дека зад се стои потисната лутина заради нешто, тогаш треба да го охрабрите на разговор: да се отвори и искрено да ви признае што го повредило и налутило, зошто се чувствува несигурно. Во тие моменти не смеете да викате, туку мора да останете прибрани. Само вашето разбирање ќе го отвори патот до „признание„.
Кажете му дека не постојат „вистински„ или „погрешни„ чувства, дека е во ред да се зборува на глас за проблемите, бидејќи така полесно ќе се решат. Помогнете му да избегнуваат одбивање и игнорирање, така ќе мѕ дадете до знаење дека ви значи.
6 начини на пасивна агресија
1. Лути сте, но не го покажувате тоа
Ова е навика која нема да му помогне на никого. „Негирањето на гневот е класично пасивно агресивно однесување“, вели магазинот “Psychology today”.
2. Одолговлекувате
Одложувањата на обврските, задачите и несигурноста се исто така симптоми на пасивно агресивно однесување. Додека повеќето од нас понекогаш доцнат со исполнување на обврските, овие лица ќе го искористат одложувањето како начин да избегнат назначување нови задачи за да не мора директно да ги одбиваат.Пасивно агресивните лица имаат неверојатна моќ да останат смирени додека другите, исцрпени од ваквото однесување, реагираат со гнев. Понекогаш тоа особено ги забавува.
3. Вие испраќате нејасни пораки
Коментарите од пасивно агресивна личност понекогаш можат да повредат како нож во грбот, но на нив е тешко да се одговори. Зошто? Бидејќи тие знаат како да го кажат тоа индиректно, а вие ќе испаднете премногу чувствителна личност ако се навредите.
4. Вие ги навредувате луѓето
Да се биде пасивно агресивен значи да се навредува некого на многу суптилен начин за да се чувствува личноста подобро, коментира Јоди Аман, психотерапевт од Њујорк, додавајќи: „Оваа акција често се одвива несвесно, особено кога некој се чувствува лошо и сака да биде во центарот на вниманието. Затоа е добро да се биде свесен за овие факти, ако сакате да се промените или ако се чувствувате особено лошо во нечие друштво “.
5. Третмани на тишина
Ова однесување е типично за пасивно агресивна личност – тие да знаете за нивниот гнев, но избираат да не зборуваат за тоа.
6. Вие не сте директни
Интересен пристап на пасивно агресивна личност е тоа што ќе им кажат на сите дека имаат проблем со некоја личност, но никогаш директно со неа.
