Уште една студија укажала на благотворното дејство на мајчиното пеење. Имено, американските научници утврдиле дека пеењето им помага на мајките кои патат од постпородилна депресија.
Иако научниците воочиле дека мајките кои патат од овој вид на депресија на своите бебиња најчесто им пеат по малку механички, без позначајни промени во темпото, сепак се покажало дека само пеењето и помага на мајката барем накратко да заборави на своите емоции и негативните мисли, додека истовремено се остварува интимна поврзаност со бебето.
Не е неопходно ни мајката да пее мелодиски точно и професионално. Дури се претпоставува дека бебето се навикнува на висината на мајчиниот глас и ритам, како и дека токму нејзиниот начин на пеење го наведува бебето да го насочи погледот кон неа и со неа да комуницира со поглед.
