Изложеноста на високи температури и екстремни жештини во текот на подолг временски период може да го доведе вашето тело во состојба на прегревање. Тоа значи дека вашето тело не може само да се разлади и да ја врати температурата на ниво на оптимална.
Кога температурата на телото расте, се зголемува и се забрзува протокот на крв во телото, повеќе се потиме и брзо дишеме – тоа е начинот на кој нашето тело се разладува. Меѓутоа, овој дефанзивен механизам има и несакани ефекти.
Вртоглавица
Можеби мислевте дека потењето е првиот знак на прегревање на телото, но жештината може да „удри“ во главата и во моментот кога не се потите. Високите температури прво влијаат на чувствителното ткиво во мозокот, па во состојба на прегревање на телото, веројатно, прво ќе почувствувате лесна вртоглавица.
Ненадеен прекин на потењето
Прекумерното потење е сосема нормално ако сте изложени на сонце и топлина. Треба да се загрижиме ако потењето во вакви услови нагло престане. Тоа значи дека телото е во сериозно дехидрирана состојба и ја губи својата способност за регулирање на температурата на телото. Тогаш е потребно веднаш да се засолните под сенка и да внесете вода во организмот.
Осип од топлина
Иако е почест кај децата, осипот предизвикан од топлина не е реткост ни кај возрасните. До него доаѓа во момент кога потните жлезди се блокираат, па потта останува под површината на кожата. Потоа на кожата се појавуваат мали црвени воспалени точки, придружени со чувство на пецкање и боцкање.
