Терапијата со пембролизумаб после извршен оперативен зафат при напреднат меланом може значајно да го намали ризикот од повторна појава на меланом кај пациентот, покажала новата студија. Инаку, пембролизумаб е првиот лек одобрен од страна на Американската агенција за храна и лекови (ФДА) за борба против карцином врз основа на специфичната генетика на туморот. Лекот, исто така, го привлече вниманието откако поранешниот американски претседател Џими Картер објави во 2015 година дека благодарение на пембролизумабот го победил туморот на мозок.
Резултатите од оваа студија покажале дека пациентите кои примале пембролизумаб имаат 43 % помалку шанси за рецидив на меланомот.
Во истражувањето учествувале повеќе од 1 000 пациенти со меланом во трет стадиум.
Единствениот проблем при употребата на пембролизумаб е високата цена на лекување. Имено, стандардната терапија чини повеќе од 150 000 долари, пишува „New England Journal of Medicine“.
