Здравата исхрана не е само мода, туку е неопходна, особено ако сте жена која планира потомство, покажа новото истражување. Имено, истражувањето на научниците од Харвард ја поврзуваат изложеноста на пестициди со негативен ефект врз плодноста на жените.
Според податоците добиени од испитаниците вклучени во програмите за медицинско потпомогнато породување, жените кои консумирале повеќе овошје и зеленчук третирано со поголеми количини на пестициди, имале помалку шанси да забременат
Научниците додаваат дека најголемо присуство на пестициди е забележано кај јаболката, спанаќот, грозјето, кељот, доматите и јагодите, а најмало кај портокалите, гравот, лукот, сливите, карфиолот и авокадото.
Кај учесниците во истражувањето, кои ја модифицирале исхраната и почнале да консумираат само овошје и зеленчук со минимална присутност на пестициди се забележани 79 проценти поголеми шанси за забременување.
Претходните студии спроведени на животни ја поврзуваа изложеноста на пестициди со нарушување на хормоналната рамнотежа.
