Истражување кое го спровеле американските научници од Универзитетот Џорџ Вашингтон откриле дека пет биомаркери во крвта кои се поврзани со поголеми шанси од клиничко влошување и смрт кај болните од КОВИД-19. Се смета дека резултатите од ова истражување ќе им помогнат на лекарите подобро да ги предвидат исходите од лекувањето за болните со КОВИД-19.
Се покажало дека зголемените нивоа на петте биомаркери – IL-6, D-dimer, CRP, LDH и феритин се поврзани со воспалние и пореметување на крварењето, кои го зголемувале ризикот од прием на пациентот на оддел за интензивна нега, инвазивна вентилациска поддршка и смрт.
На најголем ризик од смртен исход биле изложени болните кои имале вредност на LDH поголемо од 1.200 единици/л, и ниво на Д-димери поголемо од 3 µg/ml.
Според мислењето на научниците, овие биомаркери може да им помогнат на лекарите да утврдат колку агресивно треба да ги лекуваат пациентите, дали пациентот треба да се отпушти од болница и како да се надгледуваат пацинетите кои ќе се пуштат на домашно лекување, помеѓу останатите клинички одлуки.
Во моментов лекарите ризикот за влошување на состојбата со болеста КОВИД-19 и смртен исход го проценуваат на основа на возраста на болниот и одредени здравствени состојби, како имунокомпромитираната состојба, прекумерната телесна тежина и болести на срцето.
