Една од најголемите замки на стресот е во тоа што тој самиот себеси се храни. Ве уверува дека немате време да пронајдете малку време. Еве како да ја започнете борбата против стресот, дури и кога немате време.
Пронајдете своја мантра
Запомнете три до пет изреки или мантри кои ќе ве вратат во живот кога работите ќе тргнат во лоша насока. На пример „Го можам јас тоа„, или „Она што нема да ме уништи, ќе ме зајакне„, или замислете некоја убава слика која ќе ви послужи како прибежиште во моментите на стрес: поглед од најубавото место на плажа, патека во шума во која често шетате или нешто друго, што вам ви е посебно убаво.
Бидете благодарни
Тешко е да бидете благодарни ако сте под стрес. Одвојте пет минути дневно за да им се заблагодарите на сите животни дарови. Најпрво вдишете и издишете.
Тргнете по вистинската насока
Направете попис на случувањата кои во текот на денот ве развеселиле и оние кои ви ја одземаат енергија. Така полесно ќе воочите по кој пат треба да продолжите.
Почнете со мали работи
Не оптоварувајте се со големи промени, почнете со мали работи. На пример, променете го она што го јадете за појадок, и тоа може да биде почетниот чекор на патот кој ќе ве одведе до животот по кој копнеете.
Редефинирајте ги своите цели
Кинеска поговорка вели: Ако имате некаков проблем кој никако не може да го решите, тогаш тоа можеби и не е ваш проблем. Ако веќе долго тежнеете по нешто, а животот добро функционира и без тоа, запрашајте се дали ви е неопходна таа наводна грижа.
