Доколку имате обичај често да консумирате салати или смути, односно некоја комбинација на овошје и зелечук, оброкот ќе го направите многу похранлив и позаситувачки ако го збогатите со здрави земиња.
Еве кои спаѓаат во групата најдобри.
ЧИА СЕМЕ. Моментално е во мода, но без разлика на модата, неговата хранливост и лековитост е факт. Многу е богато со влакна, протеини, омега 3 масни киселини и антиоксиданти. Одлично е како додаток во смути или во салати. Кога чиа семето ќе се потопи во течност, набабрува и се формира желатинска супстанца која може да се искористи за правење на разни здрави овошни пудинзи.
СУСАМ. Сусамовите семки се богати со бакар, магнезиум и цинк. Во целина, сусамот е одличен за кардиоваскуалрното здравје, дишните органи, коските и зглобовите. Семките може да се користат сурови или благо печени, и со нив да ја зачините салатата. Може да се додадат во смути и да се сомелат со останатите состојки. Може да се користи и таан, кој во основа е мелено сусамово семе во форма на паста која во комбинација со лимон или друго може да претставува многу здрав прелив за салати.
СОНЧОГЛЕД. Сончогледовото семе е одличен извор на витамин Е, селен и магнезиум и може да помогне во регулирањето на холестеролот. Може да се грицка со оброк или да се стави врз било која салата.
ЛЕНЕНО СЕМЕ. Лененото семе со право се нарекува супрехрана. Богато е со растителни влакна кои поволно делуваат на здравјето на цревата и срцето. Многу поволно делува и на органите за дишење. Еден е од најдобрите извори на калциум и магнезиум. Нема некој посебен вкус, па може да се вклучи во секое јадење, салата или смути. Но, мора да биде мелено, бидејќи целото ленено семе има опна која не може да се свари. Кога ќе го сомелете искористете го веднаш, бидејќи брзо оксидира.
СЕМКИ ОД ТИКВА. Многу богат ивзор на антиоксиданти, а изобилува и со магнезиум, манган, фосфор, железо, а содржи и витамин К, како и витамини од Б групата. Помага при отпорност на организмот, и има позитивен ефект на здравјето на уринарниот тракт.
