Малку движење – Слабата циркулација која најчесто се јавува како последиц ана недостаток на физичка активност, доведува до затнување на артериите, што го зголемува ризикот од мозочен удар. Ако секојдневно шетате само 20 минути или три часа неделно, тој ризик ќе го намалите за 50%.
Премногу алкохол – Прекумерниот внес на алкохол е штетен. Трета чаша вино или пиво значајно го оптоварува црниот дроб. Ако сакате да го сочувате здравјето, секоја втора недела одредете три дена кога нема да консумирате алкохол.
Цигари – Пушењето сведете го на минимум, бидејќи доведува до стеснување на крвните садови, а со самото тоа и до појава на хипертензија. Отровот од цигарите го попречуваат растот и способноста за регенерација на коскеното ткиво, што во подоцниот период може да доведе до остеопороза. Кога ќе престанете да пушите, на организмот му се потребни седум години да ги исфрли сите насобрани отрови.
Оптеретување на ‘рбетот – ‘Рбетот го помни секое оптоварување. Два часа седење во автомобил за ‘рбетот е полошо од осум часа седење во канцеларија, бидејќи за тоа време неколку пати станувате. ‘Рбетот е посебно чувствителен во пределот на крстот. Кога и да можете, правете вежби за јакнење на грбните мускули.
Желудочни тегоби – Честите желудочни тегови може да укажуваат на недостаток на витамини во организмот. По тоа, доаѓа до задебелување на слузницата на желудникот, грчеви и болки. Ако имате проблеми со дигестијата, три пати неделно јадете морков или зелка додека тегобите не престанат.
