Општо е познато дека штитната жлезда го контролира метаболизмот, а со самото тоа и телесната тежина. Меѓутоа, тироидеата влијае и на пет важни органи во телото!
Главните хормони кои ги лачи штитната жлезда се тријодтиронин (Т3) и тироксин (Т4). Премногу активна штитна жлезда значи дека страдате од хипертиреоза, а таа предизвикува губење на телесната тежина, додека хипотиреозата се карактеризира со зголемување на телесната тежина.
Меѓутоа, штитната жлезда влијае и на пет важни органи во телото
СРЦЕ
Хормоните од штитната жлезда влијаат на пулсот и го контролираат крвотокот испуштајќи ги ѕидовите на крвните садови.
ЈАЈЧНИЦИ
Хормоните од штитната жлезда влијаат и на менструалниот циклус. Пореметеното ниво на хормони предизвикува нередовни менструации и овулации.
КОСКИ
Хормоните од тироидеата управуваат со брзината со која се разградува старото коскено ткиво. Ако тој процес е забрзан, старото ткиво се уништува пред да биде заменето, што предизвикува остеопороза.
МОЗОК
Ниското ниво на хормони од штитната жлезда резултираат со заборавеност, проблеми со концентрацијата и депресија. За среќа, овие проблеми може да се решат со терапија со синтетички хормони.
КОЖА
Ако штитната жлезда не е доволно активна (состојба која се нарекува хипотиреоза), телото престанува да произведува и ги отфрла клетките од кожата. Таквата состојба предизвикуа сува кожа без сјај. Се забавува и растењето на косата и ноктите.
