Вообичено се мисли дека срцевиот удар доаѓа ненадејно, но тоа ретко е случај. Освен една компликација за која не сте биле свесни, постојат многу знаци на предупредување кои исто така можат однапред да упатуваат на оваа опасност.
Истражување претставено на годишниот состанок на Американското здружение за срце во Далас дава преглед на најчестите симптоми кои претходат на срцев удар кај мажите. Меѓу нив, идентификувани се 5 специфични:
- Болка во градите
- Вртоглавица
- Отежнато дишење
- Срцебиење
- Паѓање во несвест
Истражувањето ги истакнало вообичаените симптоми кои му претходеле на срцевиот удар кај 567 мажи, на возраст од 35 до 65 години.
Речиси 80% од симптомите се појавиле помеѓу четири недели и еден час пред срцевиот застој.
Од оние кои имале симптоми, 56% доживеале болка во градите, 13% отежнато дишење, 4% вртоглавица, несвестица или срцебиење. Истражувањето исто така открило дека 53% имале симптоми пред срцевиот удар.
Меѓутоа, истражувањето има некои важни ограничувања. Прво, наодите сугерираат дека секој средовечен маж со болка во градите или отежнато дишење може да има срцев удар, но тоа не е случај.
Истражувањето исто така не ја земало предвид зачестеноста на симптомите кај популацијата од интерес. Но, и покрај тоа, она што го сугерираат резултатите е дека е важно да се обрне внимание на симптомите кои може да му претходат на срцевиот удар и пред се секогаш да се консултира лекар во случај на сомнителни симптоми.
