Срцевиот удар е тивок убиец и со право да се плашиме. Недоволната физичка активност, лошата исхрана и општо нездравиот начин на живот може да го зголеми ризикот од срцев удар. Но, како да го спречите и дали тоа воопшто е можно, но и како да ги препознате знаците на предупредување навреме?
Кардиологот од болницата Колумбија, Азија Анил Бансал, предупредува дека сите ние треба да ги препознаеме знаците на инфаркт што понекогаш ни ги дава телото однапред. Некои од можните предупредувачки знаци често се занемаруваат.
Кога чувствувате тежина во градите, неподнослива болка во горниот дел на стомакот, болка во левата рака, грбот, вилицата и вратот или имате отежнато дишење, време е да отидете на лекар и да побарате ЕКГ. Ако реагирате на време, можеби само што сте си го спасиле животот.
“Знаците дека станува збор за можен срцев удар се и чувство на мачнина, ладна пот и вртоглавица (зашеметеност). Кај мажите, најчестиот предупредувачки знак за срцев удар е болка во градите, додека жените почесто имаат симптоми на отежнато дишење, гадење и болна вилица, тврди Бансал.
