Дека е време за промени, ќе ви покажат овие пет симптоми на хроничен замор кои не смее да се игнорираат.
Не можете да заспиете или се будите навечер
Околу 80% од лицата кои страдаат од хроничен замор имаат проблеми со спиењето. Тоа може да се манифестира како неможност да се заспие, а кога конечно ќе заспиете, тој често е испрекинат, односно многу лесно се будите среде ноќ. А, кога ќе се разбудите од сон, често се чувствувате како воопшто да не сте спиеле. И кога че отспиете и препорачнатите 7-8 часа без прекин, не се чувствувате наспано.
Тешко се концентрирате
Луѓето претпоставуваат дека симптом на хроничниот замор е постојаното чувство на умор, но постојат и други знаци како што се нагласена заборавеност, потешкотии со концентрацијата и појавата на некои други работи лесно ни попречуваат во она што го правиме. Лицата со хроничен замор тоа чувство го опишуваат како чувство дека постојано се опкружени со густа сива магла, како мозокот да им е еднакво уморен како и телото.
Премор по секоја активност
Неважно дали станува збор за прошетка или слушање на соговорниците во некое друштво, по било какво ниво на физички или емоциоанлен стрес се чувствувате како да сте минале низ војна. Ако вашето тело или ум се изложени и на најмал напор, се чувствувате целосно изнемоштено.
Тешко ви е да стоите на нозе
Лицата кои ги мачи хроничен замор, и стоењето на нозе може да им биде тешко. Дотолку повеќе да симптомите на хроничниот замор може да станат комплетно изразени кога стојат, отколку кога лежат. Стручњаците веруваат дека лицата со синдром на хроничен замор доживуваат состојба наречена ортостатска интолеранција, при која дотокот на крв во мзокот слабее кога стојат исправено.
Чувство на болки по целото тело
Главоболки кои се враќаат, болка во зглобовите, мускулите, па дури и болно грло кое не поминува, може да бидат знаци на хроничен замор. Често нема црвенило, ниту отоци – лицето само чувствува болка која може да се шири длабоко во мускулите и во зглобовите.
