Мајка од американската држава Мисисипи минатата среда ја разбудила својата ќерка за на училиште, но таа не можела да ги движи нозете. Мајката помислила дека нозете и се само вкочанети, но потоа забележала дека девојчето едвај може да зборува. Почнала да ја прегледува и на главата на ќерка си пронашла крлеж.
Мајката со девојчето веднаш заминале во болница, кадешто лекарите констатирале дека девојчето е парализирано поради убодот од крлеж. Парализата била предизвикало од невротоксинот што се наоѓа во плунката на инсектот.
За да ги предупреди родителите од опасностите од крлежите, мајката на Џесика Грифин ја сподели приказната на социјалните мрежи при тоа апелирајќи до родителите да ги прегледуваат своите деца
Имено, претходната вечер девојчето се однесувало сосема нормално, биле надвор, нејзината мајка ја избањала и и ја измила косата, но не го забележала крлежот. Проблемот настанал во утринските часови кога требало да се разбуди за на училиште.
„Почнав да ја чешлам, и врзував опавче кога забележав дека едвај зборува. Кога и ја подигнав косата, го здогледав крлежот. Веднаш му се јавив на мојот сопруг, кој е во Ирак. Тој ми рече да го ставам крлежот во ќесенце и веднаш да одам во болница“, раскажала мајката.
Девојчето било задржано во болница за набљудување, а лекарите објасниле дека ќе почне да се опоравува после 12 до 24 часа. И така се случило.
„Ве молам, прегледувајте ги вашите деца и проверете дали имаат крлежи“, апелира мајката на Џесика преку социјалните мрежи.
