Почна сезоната на крлежи: Бидете внимателни, прегледувајте се повеќе пати

Експертите велат дека вирусниот менингоенцефалитис, кој го пренесуваат крлежите е најтешкиот облик на вирусно заболување. Истакнуваат дека оваа бактериска болест, доколку не се препознае и не се лекува на време, може да биде многу опасна

Крлежите се пренесувачи на разни болести, а нивната сезона во моментов е во полн ек.

Нивниот гриз сам по себе не е опасен, но може да стане доколку крлежот е заразен, Имено, овие мали и досадни, ситни, неколку милиметри долги паразити, може да пренесат некои заразни и опасни болести.

Експертите велат дека вирусниот менингоенцефалитис, кој го пренесуваат крлежите е најтешкиот облик на вирусно заболување. Истакнуваат дека оваа бактериска болест, доколку не се препознае и не се лекува на време, може да биде многу опасна.

Важно да се препознаат првите симптоми. Кај менингитисот тоа се температурата и главоболката, а подоцна и нарушување на видот и слухот, како и повраќање. Кај борелиозата местото на убодот станува црвено и постепено се шири.

Треба да се нагласи дека во секој случај може да се делува превентивно. Постои вакцина против крлежен менингоенцефалитис, а од угризот може да се одбраниме со разни репеленти, кои се нанесуваат на кожата пред да заминеме во природа.

Значи, прво треба да се биде внимателен, особено ако престојувате многу во природа. По враќањето задолжително треба да се прегледате, повеќе пати, но и наредниот ден.