Многумина имаат навика да го почнат денот пиејќи сок од портокал на празен стомак. Доколку пиеме сок на празен стомак пред да појадуваме, овошните шеќери, гликозата и фруктозата брзо стигнуваат до тенкото црево. Но, по периодот во кој не е консумирана храна, тенкото црево не е во можност да ја преработи внесената фруктоза, така што тој шеќер доспева во дебелото црево. Кога ова ќе се случи, фруктозата доаѓа во контакт со „добрите бактерии“ кои не се во состојба да го преработат шеќерот. Во принцип, ова влијае лошо на цревната флора и здравјето во целина.
Истражувачите дошле до овие заклучоци со експеримент на глувци, кои биле хранети со мешавина од еднаква количина на гликоза и фруктоза. Притоа следеле како шеќерите се преработувале во нивниот дигестивен тракт.
Истражувањето дошло до нов момент. Додека претходните студии покажувале дека црниот дроб го преработува шеќерот, оваа студија покажала дека 90 % од фруктозата се вари веќе во тенкото црево. Сепак, тенкото црево не може да го изврши тоа доколку претходно не е внесена некоја друга храна. Кај глувците кај кои гликозата и фруктозата биле внесени по оброкот, тенкото црево ги преработило соодветно.
Според зборовите на лидерот на ова истражување, проф. д-р Џошуа Рабиновиц, истражувањето ја потврдува вредноста на традиционалните совети во исхраната: дека благите работи (вклучувајќи го и овошјето) не треба да се консумираат пред јадење, туку по оброците, и тоа, како што нагласуваат истражувачите, само во умерени количини… „Бидејќи постои суштинска физиолошка разлика во како се преработуваат малите количини на шеќер и како се обработуваат големите количини на шеќер”, вели Рабиновиќ. Истражување е објавено во списанието „Cell Metabolism“.
