Пијалаците како што се диеталната кола можеби изгледаат поздрави, но всушност може да доведат до други последици. На пример, стручњаците предупредуваат дека диеталните напитоци можат да го зголемат ризикот од срцев и мозочен удар, па дури и деменција. Со консумирање на две или повеќе лименки дневно можете да го зголемите ризикот од мозочен удар за една четвртина, како и ризикот од срцева болест за една третина. Освен ова и ризикот од предвремена смрт е за 16 отсто поголем во споредба со оние кои никогаш не ги пијат овие пијалаци.
Една студија во САД пронашла врска меѓу вештачки засладените пијалаци и деменцијата. Оние кои ги консумираат овие напитоци достигнуваат 2,9 пати поголеми шанси да развијат Алцхајмер. Стручњаците веруваат дека големата консумација на овие пијалаци може да доведе до штети во крвните садови и до хронично воспаление.
Вештачките засладувачи го зголемуваат и апетитот, па заради нив сакате да јадете повеќе, што може да доведе до дебелина и дијабетес. Научниците во болницата во Масачусетс веруваат дека засладувачот аспартам го зголемува ризикот од наталожување килограми. Ова се случува затоа што шеќерната замена, фенилаланин, ја узурпира работата на метаболизмот и ја зголемува мжноста за дебелеење. Меѓутоа, одделни британски нутриционисти, пак, сметаат дека вештачките засладувачи со низок број калории им помагаат на луѓето да не се дебелат, а освен тоа додаваат и дека се подобри за забите од шеќерот.
