Од вештачките засладувачи нема корист, но нема ни штета

„За жал, немаме доволно податоци за конечни заклучоци за тоа дали се корисни или му штетат на организмот вештачките засладувачи„, вели научникот Џорџ Мирпохл од Универзитетот во Фрелбург. „Иако постојат многу научни трудови, во нив нема многу конзистентност„.

Од вештачките засладувачи, кои најчесто се користат како замена за шеќер нема голема корист, но ни штета. Анализите од многубројни истражувања на оваа тема ги нарачала Светската здравствена организација (СЗО), како би направила насоки за употреба на вештачки шеќери, како стевија и аспартам.

„За жал, немаме доволно податоци за конечни заклучоци за тоа дали се корисни или му штетат на организмот вештачките засладувачи„, вели научникот Џорџ Мирпохл од Универзитетот во Фрелбург. „Иако постојат многу научни трудови, во нив нема многу конзистентност„.

Воедно, повеќе од тие истражувања не биле многу опширни, поради што се смета дека е потребно оваа тема подобро да се истражи. Мирпохл и колегите го анализирале влијанието на вештачките засладувачи на важни здравствени прашања, како телесната тежина и нивото на шеќер во крвта. Како извори навеле 56 студии поврзани со влијанијата на вештачките засладувачи. Заклучоците се објавени во списанието ВМЈ.

Некои помали студии упатувале на тоа дека користењето на вештачки засладувачи малку го подобриле индексот на телесната маса на корисниците и донекаде им го намалиле нивото на шеќер во крвта.

Податоците од 318 испитаници покажале дека со користење на вештачки засладувачи дневно внесувале 254 калории помалку од оние кои консумирале шеќер,  а тоа резултирало со губење на тежината.

Иако различни студии упатувале на опасност од вештачки засладувачи, севкупен заклучок е дека треба да се користат во умерени количини. Ако се консумираат по препорачаните количини, опасност по здравјето нема.