За разлика од јогуртот кој има само неколку бактериски култури, во кефирот има околу 50 што го прават одличен борец против инфекции и многу штетни бактерии, како што е eшерихија коли или габи, како што е кандидата. Кефирот изобилува со калциум, фосфор, магнезиум, Б комплекс, витамин Д …
Иако можете да го купите во продавница, најдобро е да го направите сами. Единствено треба да ја земете тибетската габа од некој кој веќе ја приготвува (сама расте и се размножува), па и пожелно е да се дели. Ставете ја во пластичен или стаклен сад со еден литар млеко, промешајте со пластична лажица и оставете да отстои 24 часа на собна температура. Потоа, процедете низ газа или пластична цедалка (никако метална) и сипете ја содржината во шише. Доколку не сакате веднаш да направите нова тура кефир, измијте ја габата и оставете ја да стои во фрижидер, во сад со малку вода.
