Пиперката во народната медицина се користи на низа начини – како антидепресив, антиревматик, афродизијак, антисептик, ароматик и диуретик.
Пиперката потекнува од Јужна Америка, а денес е една од најчесто користените намирници, особено во нашата земја. На пазарите и во маркетите може да се најдат црвени, зелени и жолти пиперки.
Еднаш купена пиперка, во фрижидер може да издржи три дена, а по тој период, подобро е да не се консумира.
Иако пиперката може да се подготви на многу начини, од салати, варива, зимница, сепак најздава е свежа. Во зимскиот период најдобро е да се јаде закиселена – како дел од зимницата, бидејќи така ги задржува сите лековити состојки во неа.
Пиперката е одличен извор на витамин Ц – содржи четири пати повеќе од портокалот, а процентот на овој витамин зависи од сортата на пиперката. Црвената пиперка изоболува со бета каротен, како и со витамините А и Б6.
Пиперката е добра за циркулацијата на крв, за зголемување на апетитот, подобра дигестија, за видот, а помага и кај атеросклероза.
Имено, пиперката содржи цитрин кој ги прави капиларите еластични. Исто така, содржи и околу 20 врски од групата на каротеноиди, кои се природни антиоксиданти и спречуваат создавање на слободни радикали.
Од лутите пиперки, во народната медицина постојат многу начини за лекување на ревматските болки. Сокот од пиперка лекува различни воспалителни процеси, како воспаление на грло или почеток на инфективни болести. Правот од лута црвена пиперка се користи за лекување на проблеми со дигестијата.
