Секоја физичка активност, како што е познато, помага во очувувањето на менталното здравје, а доколку сте под голем стрес или во депресија, наједноставен начин да го поттикнете лачењето на хормонот на среќа е да запливате. Најновата студија направена во Велика Британија покажала дека пливањето во траење од 30 до 60 минути, на дневно ниво, може значително да ги намали симптомите на депресија.
Утврдено е дека редовните пливачи не само што се опуштаат за време на престојот во вода, туку и голем дел од нив откриле дека оваа активност им помага полесно да се носат со проблемите во секојдневниот живот и побрзо да ги решаваат.
Она што пливањето го издвојува од другите физички активности е и речиси непостоечката можност за повреди, така што можеме да бидеме безгрижни кога влегуваме во вода, а тоа всушност придонесува за дополнително опуштање. Кога пливаме, ги ангажираме сите групи на мускули, го забрзуваме дишењето и работата на срцето, ја поттикнуваме циркулацијата, а сето влијае на подобра работа на мозокот, со самото тоа и на расположението.
Имајќи го предвид фактот дека самиот престој покрај вода ги опушта луѓето и им помага да ги средат мислите, јасно е дека пливањето има повеќекратко посилен ефект. И додека за седењето покрај вода (езеро, река…), на пример, сепак треба да го почекаме поубаво време, а за капење во море – летото, во базен може да се плива кога било.
